مفضلاتي لشهر اغسطس / august favourits

بسم الله الرحمن الرحيم

بوست اليوم ان شاء الله راح يتكلم عن مفضلاتي لشهر اغسطس  

بسم الله نبدي بالميكب :

ماك برو لونق وير كونسيلر
تغطيته عجيبه...استعماله سهل بسرعه يندمج مع البشره في واايد درجات بس عيبه الوحيد بسرررعه يخلص :/ 

 البيوتي بلندر وهل يخفى القمر !! واايد توفر وقت بالدمج تقدرين تستخدمينها مبللة او ناشفة تستخدمين الصوبين الصوب المبوز حق الكونسيلر والصوب الثاني حق الفاونديشن والحلو فيها بعد انها ما تترك خطوط نفس الفرشة عيبها الوحيد انها تمتص وايد فاونديشن !! 

 ذا بور بروفيشنال من بينيفت  هالمنتج كان عليه ضجه كبيره و ولمن استعملته عرفت ليش !! ملمسه ناعم ومخملي وماله ريحه وهالشي جدا مهم بالنسبة لي مكتوب عليه انه يصغر المسامات وصج لاحظت هالشي فيه .

 ملاحظة : هالمنتج تجميلي مو علاجي يعني ما راح يحل المشكلة بس يعطيج حل مؤقت تجميلي  

مزيل مكياج العين بالم اواي من ذا بالم تركيبته صايره جنها فازلين بس على اخف طريقته تحطين كميه قليله على جفونكم ( ديرو بالكم مو تكثرون عشان ما يدش بعيونكم وبعدين تتحسس :$) و توزعوون المنتج على عيونكم بطريقة دائريه لمدة ٢٠ ثانية لكل عين هالطريقه تخلي تركيبه المكياج تتفكك و بعدين تاخذون قطنه دائريه تبللونها بماي وبمسحه وحده فقط  راح تلاحظون انه ٩٠٪ من المكياج انمسح مهما كان ثقيل او ووتربروف .... انا حبيته لانه يعطي ترطيب حلو للعين ومو قاسي للعين نفس المناديل اللي ساعات تسبب لي احمرار انصح فيه وبشده :*

معطر غرفه من تركيا من محل اسمه chakra وانا حاطه منه الحين ريحته تهبل تهبل بودر على نظافه ترا ما اعرف اوصف عطور  ف طوفو ههههههه المهم دشيت هالمحل اهوا يبيع فوط وورود اللي بيروح تركيا لا يطووفه اتوقع اهوا موجود باغلب سراديب مجمعات اسطنبول اللي اهوا الطابق اللي يكون خاص حق سوالف البيت المهم لا اطلع وايد عن الموضوع دشيت المحل والا ذيج الريحة اللي ترد الروح سالت اللي يبيع جان يقولي هذا المعطر اللي نبيعه وفيه منه شمعه ومعطر ملابس لا يطوووووووفكم انا صايره بخيلة باستخدامه اخاف يخلص واتوهق ههههه

هالزيت استخدمه حق كلشي ترطيب ،ستريش مارك ، توحيد لون ،محاربه علامات تقدم السن الزيت المعجزه انا اسميه !!استخدمته ب فترة حمالي ب حمود وبعد الولاده ونتيجته وايد اعجبتني قضى على الستريتش مارك والخطوط اللي تطلع بعد الولادة ومن وقتها وانا ما استغني عنه :*

بخاخ للشعر من بوتس يعطي كثافه وحجم للشعر طريقته سهله بعد ما تسوين شعرج بختين عالجذوور وفوااالاااا!! انتي جاهز نتيجته حلوة  وسعره رخيص وايد حبيته  

كتاب : french women don't get fat 

هالكتاب رفيجتي امدحتلي اياه  وشريته بناء على مدحها ...

 شريته من ibooks قيمته تقريبا ٧ دولارات اذا ماني غلطانه واقدر اقول انه يسوا كل سنت فيه !!

 ماادري اذا اقدر انصفه كتاب طبخ لانه فيه جم وصفه بس اغلب الكتاب يتكلم عن تكنيك وفلسفه الفرنسيين بالاكل .... 

جدا مفيد الكتاب في معلومات وايد حلوة انصح فيه حق اللي بينزل وزنه وتعب من الدايت والحرمان.... او اللي يبي يحافظ على وزنه 

او حق اي احد يبي يتثقف بهالمجال الكتاب ممتع واسلوبه حلو .  

فلمي المفضل لهالشهر كان من نصيب JOBS الفيلم يتكلم عن مسيرة ستيف جوبز اللي اهوا من الناس الملهمين بالنسبة لي الفلم ممتع ويعطي دافع للشغل وانك تترك بصمة بحياتك اتوقع ليلحين يعرض على OSN 

 مو معقوله انهي اللسته بدون ما اذكرpretty little liars هالمسلسل ادمان بجد ويخليج دايما مترقبة ومتسائلة.. انا وصلت مرحلة قمت احلم ب A :/  حاليا قاعد يعرض سيزن 5 بامريكا و بما ان فيني صبر انطر فقاعده اشوفه بموقع اسمه coke and popcorn 

رابط المسلسل : 

http://www.cokeandpopcorn.ch/watch-pretty-little-liars-online.php

واللي حاب يشوف السيزنات اللي طافت مترجمة يقدر يشوفهم على هالرابط 

http://mrobserver511.blogspot.com/2013/09/pretty-little-liars_7251.html

وبس وبجذي اكون انهيت البوست اتمنى انكم استفدتو والقاكم ان شاء الله ببوست يديد :*

اختياراتي من anthropoligie

بسم الله الرحمن الرحيم 

بوست اليوم ماراح يكون فيه كلام وايد  بس حبيت اعرض لكم منتجات حبيتها و  لفتت نظري من موقع  

http://www.anthropologie.com  

Tired Vestige Cosmetic Holder 

 Price : 38$

Dalmatian stapler 

Price :24$

Filomena Baking Collection 

Price : 36$

 

Chalkboard Spice Jar

 Price : 4$

Turned Petals Table Runner 

price : 298$

Polka Dotted Flatware

price : 78$

Pinapple Ice Trays 

price :14$

Dot POP Dinner Plate 

Price : 18$

Ellie creamer 

price : 16$ 

والقاكم على الف خير في بوست ثاني قريب ان شاء الله 

whats in my bag / ماذا يوجد في حقيبتي ؟

 السلام عليكم ورحمة الله وبركاته 

من امتع الفيدوات اللي احب اشوفها بيوتيوب اهيا whats in my bag او ماذا يوجد في حقيبتي عشان جذي قررت ان اول تدوينه رسمية لي راح تكون بهالموضوع ، بسم الله نبدي 

الجنطه اللي قاعده استخدمها حاليا وصارلي تقريبا ٣ اشهر ما غيرتها اهيا louis vuitton speedy 30 damier ebene 

وايد حبيت الجنطه لانها عملية و ما تتو صخ بسرعه وتلوق مع اغلب ملابسي غير هذا الجنطه وايد حجمها مناسب بالنسبة لي وتشيل وايد اغراض عشان جذي صارلي فترة معلقه عليها غير اسباب الكسل طبعاا .

محتويات حقيبتي :

١. قلم : هالقلم خذيته من محل بالافنيوز صاير صوب بروي سطرة محل لاش اسم المحل campo marzio design            هالمحل عجيب تلاقون في جميع انواع واشكال الاقلام الناشفه والسائلة وحتى اقلام الريش تحصلون عنده غير هذا تلاقون فيه نوتات ملونه عجيبة حق الجنطة و فايلات و اطقم مكاتب تشكيلته صج واايد حلوة وحق الناس اللي يحبون سوالف المكتبات نفسي انا ورفيجتي تمينا فيه تقريبا نص ساعه والمحل ٣ امتار ب ٣ امتار فيعني ماله داعي اقولكم شكثر استانست على هالمحل وعقب حوسه نص ساعة استقريت على هالقلم لاني اموت بالمنقط وحبيت اللون واخترت الحبر يكون اسود ناشف .

٢. بوك او محفظة : هالبوك خذيته من نيولوك الافنيوز وقعت بغرامه بسرعه لاني احب الديزي  نسيت اسمها بالعربي  المهم وقعت في غرامه 3>

٣. معقم يدين : كنت اخذ معقم باث اند بودي ووركس بعدين استوعبت ان الكميه جدا قليله مقابل القيمة وفي وايد معقمات بالجمعية بنفس السعر وريحتها حلوة و تقريبا ضعف الكمية و مع بيبي عمره سنه ونص صدقوني راح تحتاجونه وايد  .

٤. عطر صغنون : هالعطر اسمه english pear and fressia خذيته من jo malone  اللي بالافنيوز حجمه مناسب للجنطة بالنسبه للعطر نفسه ما اقدر اقول عجبني وايد اهوا حلو بس مادري ليش بالمحل كانت ريحته احلى سعره مبالغ فيه بالنسبه للحجم و الريحه نفسها، ماراح اشتريه مره ثانية  .

٥. كريم من فيكتوريا سيكرت حجمه مناسب للجنطه مو ثقيل وايد فما اقدر اقول انه مثالي لترطيب اليد  حطيته بالجنطة بس عشان اخلصه .

٦. مفاتيحي طبعا مفاتيح البيت و السيارة و الميداليه  هدية من اختي من jimmy choo.

٧. جنطة مكياج صغيرة : الجنطه كانت مع ست من ماك خذيته قبل سنتين تقريبا ،  حاطه فيها بس اساسيات المكياج  عشان اذا كنت مستعيله اقدر اتمكيج بالطريج ماني مطوله عليكم فبذكر لكم محتويات الجنطةز عالسريع  : بوبي براون سكين فاونديشن كريم اساسي المفضل وما افكر ابد اني اغيره ، بلاش من ماك اسمه melba , ماسكرا they´re real من بنفت ،كونسيلر من ماك ،ليب لاينر احمر من بورجوا.

٨. نظارة شمسيه من tory burch .

٩. واخيرا اكييد طبعا الشي اللي ما نستغني عنه ابدا

  كفر الايفون خذيته من محل فوشيا اللي بالافنيوز يم كارفور 

وبس هذي محتويات جنطتي حاليا وطبعا المحتويات قابله للزيادة والنقصان على حسب المشوار انا كنت من البنات اللي يحطون كل كبتهم بالجنطه بس بعدين سمعت وايد دكاترة يحذرون من وزن الجنطة فبطلت وقمت اخذ بس احتياجاتي اتمنى انه البوست عجبكم  والقاكم على الف خير ان شاء الله في بوست ثاني 

have a nice day :)

نقطة .

تدوينتي الاولى